bottada Paymeni ulash: kassa, URL, kalitlar

Payme botta kabinetining «Toʻlov» boʻlimida ulanadi: Payme Business veb-kassasining ID va kalitini kiritasiz, botta koʻrsatgan Endpoint URL manzilini esa kassa sozlamalariga qoʻyasiz. Pul toʻgʻridan-toʻgʻri kassangizga tushadi. botta savdodan foiz olmaydi, komissiyani Payme oʻz tarifi boʻyicha oladi.

Nima kerak boʻladi

Ega roli: «Toʻlov» boʻlimi faqat egaga ochiq.
Payme Business’da veb-kassa: uning ID si (raqam va a–f harflaridan iborat 24 belgi) va kaliti.

1-qadam. Kassa maʼlumotlarini kiriting

Kabinetda «Toʻlov» ni oching. «Kassa ID (Merchant ID)», «Kassa kaliti» va sinash uchun «Test kaliti (TEST_KEY)» ni toʻldiring. Saqlang. Birinchi saqlashdan keyin «Payme kabineti uchun Endpoint URL» maydoni paydo boʻladi — uni tugma bilan nusxalang.

Kalitlar saqlangandan keyin koʻrsatilmaydi: maydonda «kiritilgan ••••» turadi, boʻsh maydon «oʻzgartirmaslik» degani.

Kabinet: «Payme orqali toʻlov» boʻlimi — kassa ID, kalit va test kaliti maydonlari, rejim almashtirgichlari — «Toʻlov» boʻlimi birinchi saqlashgacha: Endpoint URL hali chiqarilmagan.

2-qadam. Payme Business’da kassani sozlang

Veb-kassa sozlamalariga Endpoint URL ni qoʻying, Account maydoniga esa order_id yozing. URL oshkor boʻlsa yoki uni almashtirish kerak boʻlsa, «URLʻni yangilash» ni bosing: eski URL darhol ishlamay qoladi, yangisini Payme kabinetida almashtirish kerak.

3-qadam. Test rejimida tekshiring

«Test rejimi (sandbox)» va «Toʻlov qabul qilish» ni yoqing, test.paycom.uz dagi tekshiruvlardan oʻting. Test buyurtmalarini bot belgilaydi: «🧪 #N buyurtma Payme test rejimida toʻlandi — bu haqiqiy pul emas». Xaridorlar Payme yonida «test» belgisini koʻradi, shuning uchun test rejimini uzoq qoldirmang.

4-qadam. Toʻlov qabul qilishni yoqing

Test rejimini oʻchiring, «Toʻlov qabul qilish» ni qoldiring va saqlang. Sarlavhadagi holat «Qabul qilinmoqda» boʻladi. Buyurtma berishda xaridor «Olganda toʻlash» va «Payme — Uzcard, HUMO» orasidan tanlaydi.

bottabot

💳 #1042 buyurtma Payme orqali to'landi

↩️ #1042 buyurtma bo'yicha Payme'da pul qaytarildi

Toʻlangan buyurtma bilan nima boʻladi

Toʻlangan buyurtma muddati tugamaydi, xaridor uni bekor qila olmaydi: «Buyurtma toʻlangan — bekor qilish uchun sotuvchiga murojaat qiling». Pulni Payme Business kabinetida oʻzingiz qaytarasiz. Payme toʻlovni bekor qilgach, buyurtmada toʻlov «Qaytarilgan» boʻladi, buyurtma «Yangi» yoki «Qabul qilindi» holatida boʻlsa — bekor qilinadi. Toʻlangan buyurtmani rad etsangiz yoki bekor qilsangiz, bot pulni qaytarishni eslatadi.

Agar chiqmasa

«Avval ushbu rejim uchun kalitni kiriting» — yoqilgan rejim (test yoki oddiy) uchun kalit yoʻq.
Kassa ID da «Qiymatni tekshiring» — unda aynan 24 belgi boʻlishi kerak: raqamlar va a–f harflari.
Xaridorda onlayn toʻlov yoʻq — «Toʻlov qabul qilish» oʻchirilgan yoki tanlangan yetkazib berishning narxi «manzilga qarab».
Toʻlov qabul qilishni oʻchirdingiz — yangi toʻlovlar qabul qilinmaydi, boshlanganlarini Payme yakunlaydi.

Payme dan boshqa onlayn usullar bottada yoʻq.