botta da doʻkon botini qanday ulash

Doʻkon boti — xaridorlar mahsulotlarni koʻradigan va buyurtma beradigan bot. Eng oson yoʻl — @botta_uz_bot dagi «🤖 Bot yaratish» tugmasi. Botingiz @BotFather da allaqachon boʻlsa, uning tokenini yuboring.

Nima kerak boʻladi

• Siz doʻkon egasisiz: @botta_uz_bot da botni ulash va almashtirish tugmalari hamda kabinetdagi «Doʻkon boti» boʻlimi faqat egasiga ochiq.
• «Bot yaratish» tugmasi uchun telefondagi Telegram: kompyuterda yaratish oynasi ochilmaydi.

1-usul. Botni tugma bilan yaratish

Doʻkon yaratishning uchinchi qadamida «🤖 Bot yaratish» tugmasini bosing. Keyinroq botni ikki joyda yaratish mumkin:

• @botta_uz_bot da: /shops buyrugʻi, botsiz doʻkon yonida — «🤖 Bot yaratish»;
• kabinetda: «Sozlamalar» → «Doʻkon boti» → «🤖 Telegramʼda bot yaratish». Tugma @botta_uz_bot ni ochadi, u esa «🤖 Bot yaratish» tugmali kartochka yuboradi.

Telegram tayyor nom va manzil bilan oyna ochadi. Tekshiring va «Yaratish»ni bosing. botta botni oʻzi ulaydi va «✅ @… boti yaratildi, ulayapmiz…» deb yozadi. Botsiz doʻkonlaringiz bir nechta boʻlsa, bot qaysi biriga ulashni soʻraydi.

2-usul. Tayyor botni token bilan ulash

1. @BotFather ni oching, /newbot buyrugʻi bilan bot yarating va tokenni nusxalang — 123456:ABC… koʻrinishidagi qator.
2. @botta_uz_bot da «🔑 Menda bot bor» (uchinchi qadamda) yoki «🔑 Tokenni yuborish» (/shops da; bu tugma faqat doʻkonda ishlayotgan bot boʻlmasa chiqadi) tugmasini bosing.
3. Tokenni yuboring yoki BotFather javobini butunligicha yuboring. Token yozilgan xabarni bot darhol oʻchiradi.

Doʻkon botini oching va Start bosing — aks holda bot sizga buyurtmalarni yubora olmaydi.

Botni qanday almashtirish

Ishlayotgan botning /shops da ikkita tugmasi bor: «Qayta ulash» va «Uzish».

• «Qayta ulash» eski botni darhol olib tashlaydi va yangisining tokenini soʻraydi — @BotFather dagi bot uchun shu yoʻl.
• «Uzish» (kabinetda — «Doʻkon boti» → «Botni uzish») botni faqat uzadi: yangisini ulamaguncha xaridorlar javob olmaydi. Shundan soʻng yangi botni tugma bilan yoki token bilan ulang.

Yangi bot manzilini xaridorlarga yuboring: eskisi ishlamay qoladi.

Bot buzilgan boʻlsa, holati ikki joyda koʻrinadi. /shops da: «token yaroqsiz» yoki «boshqa xizmatga ulangan». Kabinetda: «Token bekor qilingan — botni qayta ulang» yoki «Webhook boshqa joyga oʻtkazilgan — botni qayta ulang». Bunday bot uchun /shops dagi «🤖 Bot yaratish» tugmasi doʻkonni yangi bot uchun oʻzi boʻshatadi.

Agar chiqmasa

• «Bu bot allaqachon boshqa doʻkonga ulangan.» Token boshqa doʻkonda allaqachon ishlayotgan botniki. Yangi bot kerak.
• «Telegram bu tokenni qabul qilmadi. Toʻliq nusxalanganiga ishonch hosil qilib, qayta yuboring.» Tokenni @BotFather dan yana nusxalang.
• «Bu platforma botining oʻz tokeni — yangi, boshqa bot tokeni kerak.» Siz @botta_uz_bot tokenini yubordingiz, sizga esa oʻz botingiz tokeni kerak.
• «Doʻkonda allaqachon bot bor — avval uni /shops’da uzing.» Eski botni uzing va tokenni qayta yuboring.
• Yaratish oynasi ochilmayapti. U faqat telefondagi Telegramʼda ishlaydi. Kompyuterda botni @BotFather da yarating va token bilan ulang.

Keyingisi

• Sotuvchi kabinetiga qanday kirish
• Mahsulotni qanday qoʻshish
• Xaridor nimani koʻradi